L’Espaci Occitan dels Aups organiza lo Bistr’òc
Chasque prumier sandes dau mes, passatz a l’ Espaci Occitan dels Aups (21 charriera de l'estampriá a Gap) !
De 10 oras dau matin a miejorn.
Aquèste Bistr’òc es una animacion destinaa :
- a totes los amoroses dau patoas, que li disin coma aquò o li redonin son nom vertadier de lenga : l'occitan, que lo vivaro-aupenc que parlèm aquí es un dels sieis dialèctes, cotria lo provençau, lo lengadociian, lo gascon, lo lemosin e l’auvernhat.
- a totas aquelas e aquelos qu'an envea de se retrobar dins la convivéncia per eschambiar dins aquesta lenga : fatòrgas, istòrias, chants, contes...
- a n-aquelas e aquelos que mestrean pas ben o comprenon pas dau tot l’occitan perque, mesme se fasèm l’esfòrç de comunicar au maximom dins la lenga ancestrala, engatjèm totas aquelas e aquelos qu'an envea de l’auvir, de se li iniciar o de se li perfeccionar, a venir pertear amb nosautres aqueste plaser dau Bistr’òc.
Prenètz la biassa, vòstre estrambòrd venètz apreciar aqueste moment d’eschambi, d’amistat et de racinas retrobaas.
Foto Le DL /Flavien Osanna.